Carta d'identità lyrics

N’amico s’è spusato e mm’ ha mmitato;

ll’ aggio fatto ‘o regalo e ‘un ce so’ ghiuto.

Ma intanto, appura e 'ntienne, aggio saputo

ca, parlanno ‘e 'stu fatto, s’ è lagnato.

E 'n’ ato amico è muórto : aggio mannato

'na ghirlanda, cómm’ ùrdemo saluto..

Nun so’ ghiuto a ll’ esèquie, zitto e muto,

'mprucessióne, triste e addulurato…

Pecchè faccio accussì ? Sóngo n’artista

e vòglio figurà; nun tròvo rèquie

si nun me fanno fà ‘o prutagonista.

Pirciò, a nu spusarizio, ‘a parta mia

sarrìa chélla d’o spóso e, 'int’a n’esequie,

sarrìa chélla d’o muórto… arrassusia !

• Artist:E. A. Mario
• Album:Le videopoesie di Gianni Caputo