Castiéllo d'oro... [Italian translation]

Castiéllo d'òro, campaniéllo ’argiénto,

uócchie lucènte cómm’a nu brillante,

faccélla culurata ’e sentimènto,

m’ite rummaso scunzulato amante!

Bellézze mèie tanto desiderate,

cómm’a cróce venètte pe Giesù,

è venuto ’o Destino e v’ha squagliate...

Addò ve cérco? Addò ve tròvo cchiù?

Làcreme amare cómm’o ffèle amaro,

suspire nire ’e nu perduto Ammóre,

d’a passióna mia ricòrdo caro,

ribbazzato pe sèmpe int’ ’a stu core;

vuie site ’o suónno ’e tutte li nnuttate,

vuie site ’a spina ca penà me fa,

e, pe stu còre, tanta curtellate,

ca nun se pònno mai cchiù resanà!

• Artist:Ferdinando Russo
• Album:Sinfonie d'amore (1905)