Cchi voli riri? lyrics

Stanotti

M'anzunnai

Ca c'erunu 'sti spini

Com'a chiddi re ficurinia

C'avvulaunu strati strati e s'anficcaunu 'nta carni re cristiani

E 'sti spini

Erunu spiddi 'ntilliggenti

Ca ti manciaunu u ciriveddu

E 'nta nenti

Addivintavi pazzu

Ma 'sti pazzi si crireunu ognunu ca erunu cchiu bon'i l'autru

E c'aveunu ognunu

Chiu ragiuni e sensiu ri l'autru

A tipu ca i cosi ca riceunu

Erunu i cchiu giusti

Allura paisi

Città

E pupulazioni sani

S'anfittaru e ficiru cosi niuri

Ca ognunu pinsava a so ragiuni

E non si capeunu

E si taliaunu ri malocchiu

L'unu ccu l'autru

E s'abbatteunu u pettu

Chianceunu

Si muzzicaunu i manu

Allura s'accumincianu a 'mmazzari

E ficiru armati

Ma st'armati

'nto mentri ca marciaunu

Si pigghiaunu a muzzucuni

E si scannaunu

E si manciaunu 'n fra iddi stissi

Suddatu ccu suddatu

I campani sunaunu a chiamata

Ma nuddu sapeva cu è ca chiamava

E cu è ca era chiamatu

L'arvuli si ficiru sicchi

Ci fu focu e caristia

E tuttu e tutti mureunu

Cchi voli riri?

• Artist:Cesare Basile
• Album:Cummedia (2019)