Che faje tu sóla? [Italian translation]

Che faje tu sóla? Piénze quacche vòta

a chi sònna 'a luntano e se dispèra?

Cómm'a na stélla ‘int'a nòtta néra

dint'a st'ànema mia dai luce tu…

Ma mo che faje? Me piénze quacche vòta

O puramènte nun me piénze cchiù?

Piénzeme assaje, ca sóngo scuraggiato!

Me passano p'a mènte tanta còse…

Véco cchiù spine attuórno a mme,, ca ròse,

e manco 'o sole me cunzòla cchiù…

E stu còre se sènte abbandunato…

strazio ca può capì sultanto tu…

Tu ca si bèlla e tiéne 'o còre bèllo,

e tiéne ll'uócchie tanto appassiunate;

tu, ca passave sti mmanélle amate

dint'e capille miei pe me vasà,

chistu còre scuièto e puveriéllo

tu sulamènte 'o può cunziderà!

• Artist:Ferdinando Russo
• Album:Sinfonia d'amore (1905).