Che mme manca [Spanish translation]

I' tèngo 'e llire, nun me manca niénte,

me pòzzo accattà chéllo ca me piace:

na statua d'òro, nu vapóre argiénto...

palazze, ville... case in quantità.

- Chi è cchiù felice 'e te?! - mme dice 'a ggènte.

- Si ricco, si guaglióne... che te manca? -

E chést' è ovèro, nun me manca niénte.

Sulo na còsa mme vurria accattà...

Nu còre... tutto còre 'e tennerézza

ca me vulésse na muntagna 'e bbène...

ca me sbattésse 'mmano p'a priézza,

cuntènto pe mme dà 'a felicità.

Dipènde ‘a me; nun voglio aspettà ancòra.

Tuzzuliaje â pòrta 'e na figlióla:

- Che t'aggia dà pe m'accattà stu còre?

Qualunque prèzzo, dì, che t'aggia dà? -

Me rispunnètte cu bèlla maniéra:

- '0 córe nun se vénne... se riala...

credìteme, ca io ve sò sincèra...

cu 'e llire 'o còre nun se pò accattà!

• Artist:Totò
• Album:Le videopoesie di Gianni Caputo