Chelu 'e nues lyrics

Unu chelu 'e nues, non b'aiat isteddos

ne una luna prena ma una luna mala.

Unu chelu 'e nues, chelu misteriosu,

unu bentu lezu, bentu minetosu.

Sétiu in cussas predas, mi l'ammento galu

chi s'inde pranghiat de cuss'isetu malu,

ca non fit cuntentu de cuss'evolutzione:

totu su mundu at pérdiu valore.

Mi l'ammento galu, sétiu in cussas predas,

a orolozu su sole e a libru sas istellas.

Unu chelu 'e nues, sun nues nigheddas,

essin dae fumajolos, dae cuddas fabbricheddas.

Sutta 'e custu chelu ormai non creschet nudda,

petzi zente mala e milli maladias.

Fintzas su pastore non b'est prus murghende

ca su late est malu e no at sapore.

Amus a torrare a carru chin sos boes,

a bier isteddos in chelu chentza nues,

amus a torrare a sos ballos de beranu,

su calore 'e cussu tempus non 'che l'apo irmenticau.

Unu chelu 'e nues, in coro un'isperàntzia:

chi finant sas gherras, chi finat s'abbundàntzia

ca chin s'abbundàntzia s'hómine est bissiau

e no at prus rispetu de su valore umanu.

Amus a torrare a carru chin sos boes,

a bier isteddos in chelu chentza nues,

amus a torrare a sos ballos de beranu,

su calore 'e cussu tempus non'che l'apo irmenticau.

• Artist:Lucianu Pígliaru
• Album:Chelu 'e nues