Chi se cuntenta lyrics

« Chi se cuntenta, gode » Chi ll’ha scritto

è 'nu grand’ ommo ! Può cagnà ‘o destino ?

Si te lamiente tu, 'n’ ato, vicino,

se lagna peggio ‘e tte, ca sta cchiù afflitto !

Allora te cunfuorte e pienze ô ditto

‘e chillo ca, magnannese ‘o lupino

vedeva a 'n’ ato arreto cchiù meschino

che arraunava ‘e scorze e steva zitto !

Se cuntentasse sempe ‘o sfurtunato,

pecchè ce sta chi è cchiù jellato d’ isso,

e a paragone è 'nu privileggiato !

Doppo guardato annanze.. i’ guardo arreto

e quanno sto 'ncuitato ca me fisso..

penzanno a cchi sta peggio…m’accuièto !

• Artist:Raffaele Viviani
• Album:Le videopoesie di Gianni Caputo