Chie so [Italian translation]

Chie so, chie so,

narami chie so, chie so.

Deu so s'iscuru,

deo so sa lughe,

deo so lampu ‘e fogu,

pedra in su muntone,

sonu de paraula,

disizu de carignu,

deo so su misteriu

cuadu in sas intragnas.

Chie so, chie so,

narami chie so, chie so.

Deo so sa gherra,

deo so sa paghe,

so sirbone a fua,

so disamistade.

Deo so sos ojos

puntudos che ispìna,

so su tou ammentu,

deo so solidade.

Fuet, fuet su tempus,

fuet che i’su 'entu,

trazat sos anneos

istudados in coro.

Chie so, chie so,

narami chie so, chie so.

Deo so su chelu,

deo so sa terra,

so muntone ‘e pedra,

disiperada nurra,

erva de su sartu,

trigu de chisina,

‘olat in mesu ‘e mare

sa ‘oghe mia pitzinna.

Tue ses s'ispera,

ses sa lughe 'e sa die,

tue ses s'ammentu

de sa vida chi fuet.

Chie so, chie so,

narami chie so, chie so.

Chie so, chie so

narami chie so, chie so.

Deo so sa gherra,

deo so sa paghe,

so sirbone a fua,

so disamistade.

• Artist:Marisa Sannia
• Album:Nanas e janas