Cunziglio lyrics

Onèsto ? E sissignore, figliu mio,

i’ te so’ pate e nun te dico ‘e no,

ma, no pe ‘nfamità, ma pe gulio,

falle na malazione quanno può.

Ca si tu vuò campà cómme camp’io,

è mèglio ca t’accide primma ‘e mo..

So’ galantòmmo, timurato ‘e Dio,

embè che rappresènto ? Ma che so’ ?

Nu pòver’òmmo ca nun tène sciòrte

e ppatimiénte n’ha suffèrto tante,

ca tanno ride, quanno pènza â mòrte..

So’ galantòmmo ? E a cche me sèrve? A niénte.

P’èssere mo stimato ‘a tutte quante,

‘o ssaje che s’hadda essere ? Fetènte!!

• Artist:Libero Bovio