D'ù qui sont lyrics

D'ù qu'i sont tout's chés compagnies eud' mineurs

Qui allottent eud' sous terre faire ech' dur labeur

Au pic, à l'triv'laine, rassaquer ech' carbon

A l'abattache, au herchache, d'ù qu'i sont ?

D'ù qu'i sont tous les mineurs du grand saquache

A l'bowette, à front eud' talle, à l'accrochache

Méneux eud' quévaux, raccommodeux, porions

Nou pères, nou hardis taïons, dis d'ù qu'i sont ?

D'ù qu'i sont chés rires eud' chés filles à gaillettes

Oubliant lu peines pour ein'amourette

Au moulinache, ouvrant comme chés garchons

Nou lampistes et lu taillettes, d"ù qu'i sont ?

D'ù qu'i sont, i vous d'mind'ront un jour vou gosses

Les souv'nirs ed'chés gins qui allottent à l'fosse

Pus d'chevalets, pas d'terrils, et pas d'corons

'vous lamint'rez aussi, d'ù qu'i sont ?

D'ù qu'i sont tout's chés compagnies eud' mineurs

Porions, galibots, calins, ou ingénieurs

Lampistes, filles à gaillettes, carrieux d'carbor'

Nou terrils, nos molettes, dis d'ù qu'i sont ?

D'ù qu'i sont chés bons jonnes eud'douze tréize ans,

Au fond pousseux eud' barrous, les pieds in sang,

Au jour trieux eud' caillaux et d'bon carbon,

Nou z'archelles eud' galibots, d'ù qu'i sont?

D'ù qu'i sont les Sainte Barbe et les ducasses

Les fêtes eud' famille, les guinces, les fricasses

Loin d'chés grèv's et d'chés accidints du fond

El'tarte à gros bords, les canchons, dù qu'i sont ?

D'ù qu'i sont les viux corons eud' chés mineurs

D'ù qu'in partageot insonne les bonheurs,

L'amitié all' s'trouvot sus l'seul ed'chés masons

Les bons momints à ch'pignon, dis dù qu'i sont ?

D'ù qu'i sont, i vous d'mind'ront un jour vou gosses

Les souv'nirs ed'chés gins qui allottent à l'fosse

Pus d'chevalets, pas d'terrils, et pas d'corons

'vous lamint'rez aussi, d'ù qu'i sont ?

I sont rintrés dins l'légende eud' nou sièq

A l'fosse nou pères ont souffert, ont péri

Leu durts misères méritent qu'in les respecte

Conservons leu chevalets, et leu terrils

• Artist:Renaud