Dònn’Amalia â Speranzèlla, [Italian translation]

Dònn’Amalia â Speranzèlla,

quanno frie paste crisciute,

ména ll’òro ‘int’â tièlla,

dònn’ Amalia â Speranzèlla.

Che bellézza chillu naso

ncriccatiéllo e appuntutiéllo,

chélla vócca ‘e bammeniéllo,

e chill’ uócchie e chélla faccia

mmiéz’ê tìttole e â vurraccia!

Pe sta fémmena cianciósa

io farrìa qualunque còsa!…

Piscetiéllo addeventasse,

dint’o scióre m’ avutasse,

m’afferrasse sta manélla,

mme menasse ‘int’a tièlla

dònn’Amalia â Speranzella!

• Artist:Salvatore Di Giacomo
• Album:Le videopoesie di Gianni Caputo