Ddoje vite lyrics

Te ricuorde quanno annanze 'o mare

Ce parlavano 'e carezze 'e gente c'aspettato assaje

E cu niente dint'a sacca ce accattavemo ogni cosa

Cu l'illusione

Te ricuorde famme e marciapiede

Io ero 'o sicco che cantava e tu 'o mediano ca curreva

Pò venette 'a vita 'e notte e se pigliaje a nu campiuncello

Tra terra e stelle

Nun te ffà 'mbruglià 'a chesta buscia

'E parole d'e cuscienze se miscavano cu 'e mie

Ma vuliste vulà 'a strada ca nun porta a niente

Addò nun ce stanne mane ca te portano areto

Addò nun ce stanne sante ma sultanto preghiere

'E chi nun crede

Te ricuorde quanno se pazziave

Quanno 'a luna era 'nu suonno pe' chi nun sunnava

E cu 'o viento 'ncopp'a faccia ce aspettaveno doje rose

Bruciate 'e sole

Te ricuorde famme e marciapiede

Io ero 'o sicco che cantava e tu 'o mediano ca curreva

Pò venette a bella sciorta e se pigliaje nu scugnezziello

Tra terra e stelle

Faccia a faccia a te, cumpagno mio

Dint'o tiempo ca è passato ce abbracciammo 'e nustalgia

Nu cafè chino 'e rispetto, quanta sbaglie he fatto

Pe' te ribellà d'o poco ca t'aveva dato 'a vita

Te si' fatto 'ncopp'o core, troppe vote 'ncopp'o core

Ogni vota 'na ferita

Te ricuorde quanno n'aeroplano

S'aizava 'ncopp'e case e nuje cu ll'uocchie ncantate

Ce spartevemo 'na gioia, 'na speranza, nu dulore

Tra terra e stelle

• Artist:Nino D'Angelo
• Album:Tra terra e stelle (2012)