دیموکراسی [Democracy] [English translation]

دیموکراسی تۆ دەنگ مەکە

دنیات بە دەنگ ڕەنگ کردووە

لە ژێر کارخانەی چەکسازی

لەوێ منداڵێ خەوتووە

سەرۆکەکان هیچێ مەڵێن

ئێوە دنیاتان خواردووە

لە بن گرمەی پوتی ئێوە

لەوێ منداڵێ خەوتووە

دیندارەکان دەنگێ مەکەن

دینی باشتان فرۆشتووە

لەبەین شەڕی خوداکاندا

لەوێ منداڵێ خەوتووە

بریا پلانی ئەم دنیا

منداڵێک دای بڕشتایا

نە چەک نە دین نە هاڵیوود

هیچ نەخشێکی تیا نەبوایا

خەجاڵەت ناکێشی دونیا

ئەڵێی ئینسانیەت مردووە

سیاسەتوان ئیمزا مەدە

لەوێ منداڵێ خەوتووە

بێتامترین قسەی دونیا

باسی دیموکراسی ئەکا

جەنگی هێز و دەنگی بۆمبێ

خەونی منداڵی کوشتووە

• Artist:Hani