Der blîdeschaft sunder riuwe hât [German translation]

1.

"Der blîdeschaft sunder riuwe hât

mit êren hie, der ist rîche.

daz herze, dâ diu riuwe inne stât,

daz lebet jâmerlîche.

Er ist edel unde vruot,

swer mit êren

kann gemêren

sîne blîtschaft, daz ist guot."

2.

Diu schoene, diu mich singen tuot,

si sol mich sprechen lêren,

dar abe, daz ich mînen muot

niht wol kan gekêren.

Sî ist edel unde vruot,

swer mit êren

kan gemêren

sîne blîdeschaft, daz ist guot."

• Artist:Heinrich von Veldeke