Di cu sugnu lyrics

Ju sugnu di l’acqua quannu chiovi

Di l’erba strazzijata sutta li peri

Sugnu di l’armunia chi lu cori teni

E di lu disideriu chi si canta

Ju sugnu di na cosa nica, antica

Di l’armaluzzi c’ abbuccunu li testi

Sugnu di lu celu quann’ è in festa

E di la gioia di nenti dopu a fatica

Di cu sugnu

E chi ci fazzu

Chi ci fazzu

’Nna stu munnu pazzu

Sugnu di lu scantu di la notti

Chi tratteni lu ciatu fino o’ matinu

sugnu di li nuvuli mai i stissi

e lu suli e l’aria ni sù filici

Canta ’n piscaturi ricugghiennu pisci

semu di lu focu c’ addumamu senza ligna

semu tanti petri chini di storii

figghi di sireni e di ciclopi

Di cu sugnu

E chi ci fazzu

Chi ci fazzu

’Nna stu munnu pazzu

Fussi acqua di surgenti

caminassi cuti cuti

stannu sempri a campu apertu

tra lu celu e tra lu mari

gudennumi li stiddi lassati di lu suli

lu ventu mutu mutu

stuzzicassi l’armunia

Di cu sugnu

E chi ci fazzu

Chi ci fazzu

’Nna stu munnu pazzu

Di cu sugnu

E chi ci fazzu

Chi ci fazzu

’Nna stu munnu pazzu

• Artist:Alfio Antico