Die Fahrenda [English translation]

Kömend doch nöcher, liebi Lüt

I bringen oi e musig mit

Sensatione stönd üs no bevor

Mir fühered si dur e goldigs tor

E schöne tänzer turned umenand

En alti häx list eim us der hand

Üse philosoph wird oi öppis welle bewiise

Und üsri lösli versprechend hoochi priise

So ghört mer de spiilmaa singä in der straase

Dä gaukler wird däzu faxe mache müese

De zauberer schwingt scho wider sine staab

Und au d'rössli gönd ganz hübsch im trab

Das sind kinder useren andere rasse

Sind liebi lüüt und tüend niemer hasse

Si züchen ume ihres läbe lang

Und ihres läbe teilens ine gsang

Die lüüt, die kömed us däm dunkle

Wo mer ghöre ka die tote munkle

Wos stei git wo hell tüend funkle

Wo mer träum dri ka go tünkle.

Die lüüt, die tüend endlos fahre

Und tüend üs wunder offebaare

Scho vo wiit her ghört mer si ko

Dänn bliibs für e paar tag doo

Säge tüenz di tegend stähle und

Die tegend fremdi chinde quäle

Die lüüt sind bruun und gsehnd gsund us

Und schöön sinds, dass mer stuune muess

Si läbend freier als alli andere zäme

Aber die andere sägend me sötti sich drum schäme

Und in ihrere mitte git's e frauezimmer

Si gsend si alli ganz genau a ihrem flimmer

Das isch ihri lilie oder ihri dornerose

Die macht männer zu helde in kämpferpose

Sie lueget stolz uf d'auge vo dene buebe

Dän laat si ihre kopf i irne arme ruebe

Und d'auge steched gförlich umenand

Und eine treit e mässer in sinere hand

Die lüüt, die kömed us däm dunkle

Wo mer ghöre ka die tote munkle

Wos stei git wo hell tüend funkle

Wo mer träum dri ka go tünkle

Die lüüt, die tüend endlos fahre

Und tüend üs wunder offebaara

Das isch halt z'vill für min verstand

I gspühr die zeiche i minere hand

Mi trägend d'füess dene vögel na

Könt i ächt au no mit oi ko

Während anderi bunde sind an ihre erde

Läbe träged und treit könd werde

Kann us mir nur en spiilmaa werde

I im exil bin da uf erde

Drum schliich i amigs in dä straase ume

Tun zum motorebrumme lieder summe

Dän tumal nomal d'schicksalkarte weg

Morge lan i mi vo de fluugzüüg wecke

Dän gang i bis an stadtrand us

Suech mer es plätzli, won i könti pfuuse

Dänn luegi zum abehimmel ufe

Und tuen deht d'wätterzeiche überprüefe

Miis bluet, das rünnt deht us dem dunkle

Wo mer ghöre ka die tote munkle

Wos stei git wo hell tüend funkle

Wo mer träum dri ka go tünkle

Und au i will endlos fahre

Und will oi wunder offebaare

• Artist:Walter Lietha