Dint''o viento lyrics

E mannaggia a sti capille

che annasconneno sta faccia,

che annasconneno chist'uocchie,

dint''o scuro so' doje stelle.

Quanno ammore 'o porta 'o viento,

si na fronna dint''a notte,

zitto zitto sotte 'e pporte

pigli 'e stelle e 'e puose cca.

E te sonno nnamurato

cu 'e pparole 'e chi vo' bene,

'e chi aspetta tutte 'e ssere pe parlà,

ma dint''o viento se ne va…

E te sonno nnamurato

cu 'e vestiti 'e chi vo' bene

ca se mette sulo 'a sera pe sunnà,

ma dint''o viento se ne va,

dint''o viento se ne va…

E te sonno nnamurato

comm'è 'a luna p''a nuttata,

comm''a l'uocchie pe 'e culuri e po' che fà,

sì, dint''o viento se ne va,

dint'o viento se ne va…

Io t'aspetto tutt''e ssere pe parlà,

ma dint''o viento se ne va,

dint''o viento se ne va…

• Artist:Mina
• Album:Olio (1999)