Diu krône ist elter lyrics

Diu krône ist elter danne der künic Philippes sî

dâ mugent ir alle schouwen wol ein wunder bî

wie si ime der smit sô ebne habe gemachet

sîn keiserlîchez houbet zimt ir alsô wol

daz sî ze rehte nieman guoter scheiden sol

ir dewederz dâ daz ander niht enswachet

si liuhtent beide ein ander an

das edel gesteine wider den jungen süezen man

die ougenweide schent die fürsten gerne

swer nû des rîches irre gê

der schouwe wem der weise ob sîme nacke stê

der stein ist aller fürsten leitesterne.

• Artist:Walther von der Vogelweide