Doje stelle só' cadute [English translation]

Trèmmano, doje stelle, 'mmiez''o mare,

suspirano d'ammore...

e 'a luna sta a guardá!

Cammina 'ncopp'a ll'onna na canzone...

'O viento passa 'a voce:

"Oje marená'!..."

E cantano 'e Sserene: "Ammore mio,

adduormete cu me,

nun mme scetá!"

Doje stelle só' cadute 'mmiez'ô mare...

doje stelle ca tremmavano d'ammore,

n'ammore cchiù doce e carnale,

n'ammore ca 'ncielo nun pò stá!

Doje stelle só' cadute, sospirose,

duje core 'nnammurate 'e stu paese,

addó' se ride e chiagne tutt''a vita

addó' ll'ammore fa murí e campá!

Giá se só' 'mbarcate 'e marenare,

cu 'e vvarche e cu 'e llampare,

só' ghiute pe' vedé.

Ma 'e stelle ll'hanno ditto: "Pe' favore,

nuje, 'ncielo, nun vulimmo cchiù turná!"

Lassátece durmí 'mmiez'a stu mare,

lassátece sunná...n'eternitá!

Addó' se ride e chiagne tutt''a vita

addó' ll'ammore fa murí e campá

• Artist:Sergio Bruni