Domos de pedra [English translation]

Sos ojos de Franzisca

maduros e lughentes

sun che funtana frisca

in sas dies caentes.

Zosepe diat cherrer

torrare a pitzinnia,

su petus a oferrer

a bentos de traschia.

Brincat sa ballarina

cun sos pes in s’aera

che una calarina

a su ‘entu lizera.

Ballat chin Franzischedda

tziu Zosepe Ispanta,

issa est un pisedda

e issu in sos ottanta.

Sa luna cun ojos de prata

aundat sas domos de pedra.

Atzara, calamida

de totus sos pintores

tra sas biddas nodida

pro déchidos fiores.

Atzara, sorre bella

de sos malassortados,

lughida che istella

in chelos annuados.

Sos ojos de Franzisca

maduros e lughentes

sun che funtana frisca

in sas dies caentes.

Zosepe diat cherrer

torrare a pitzinnia.

su petus a oferrer

a bentos de traschia.

Sa luna cun ojos de prata

aundat sas domos de pedra.

• Artist:Piero Marras
• Album:Abbardente & Funtanafrisca