Dost lyrics

(verse:Qaraqan)

Uşaqlıq dostları indi sanki yad planetlər

Günahkar tale idi biz əlində marianetlər

Sənin sükutun bütün suallarıma cavab idi

Uşaqlıq arzuları yalançı bir qanadı idi

İndi kariera diplom praktikalar sessiya

Həyatımız gülüşlərlə dolu zərif aqresiya

Mənim içimdə nifrət və yəqin özümə qarşı

Üzümə ağırlıq verirdi baxışların daşı

Güya taley qardaşı , Yəqin ki çıxdıq ögey

Həyat belədi fikir verməyək, öyrəşəy, dözəy

Və hər salamda əlimə əsir şimal küləylərin

Gör həyat kimlərə çevirdi bizi biz neylədiy?

Buraxdığımız səhvlər,çoxu bilərək qəsdən

Nə qaldı sevgidən,sevincdən,gülüş,həvəsdən?

Sənin gülüşün üçün gərəkdi tüstü dolu qədəhlər

Mənim gülüşüm üçün gərəydi yəqin ölü mələklər

Yada dünyanın axrı bir az gülümsəməy üçün

Çağırmamışam səni pisləmək üçün,deyinmək üçün

Sadəcə yeni maska almışam və geyinməy üçün

Baxıram sənə düzgün axı sən mənim güzgüm

Dost.

(Nəqarət:Qaraqan)

Dön bir anlıq bax özünə güzgüdə

Gör necə dəyişdin son illərdə

Heç nə qalmadı o təmiz gözlərdən

Qaraldıqca qaraldı...

Say! Neçə ili keçmişə bağışladın?

Yarpaqlar ağaclardan töküldükcə

Gücün artıb çoxalsada saçların ağardıqca ağardı..

(verse:Qaraqan)

Günlər keçir yeni tanışlar və hadisələr

Hər dəfə kimsə gəlir sonra birdən gedirlər

Və bir gün anlıyanda tək olduğunu bu həyatda

Qəfəs açıq olsada uçmaq olmur tək qanadla

Biz sanki həyat inqubatorunda şəxsiyətlər

Səkkiz saatlıq işlər bir aylıq məzuniyyətlər

Və dövlət qarşısında borclarımız məsuliyyətlər

Biz axı belə deyildik? Çəkdiyimizi əziyyətlər

Oxuduğumuz kitablar deməli hamısı boşdu

Neyləməy olar həyat sevgi,sevgi pul,pul işdi

Və beləcə sürünürdük dolanmaq üçün bir təhər

Şəhzadə axtarırdıq tapdığımız fahişələr

Zaman sürətli qatar,ünvansız dayanacaqsız

Ürək mühərrikləri siz də bir gün dayanacaqsız

İki dostun sükut söhbətində mimikalar

Harımçıq jestlər sanki qəmli lirikadan

Mən sənə bağışladım uşağlığıvın intiharın

Cəmiyyətin çəkiciylə qırdığın xoş arzuların

Bu sənin cizgilərin ,izlər altında qarın

Və inan özümkü tək hiss edirəm ağrıların

Dost.

(Nəqarət:Qaraqan)

Dön bir anlıq bax özünə güzgüdə

Gör necə dəyişdin son illərdə

Heç nə qalmadı o təmiz gözlərdən

Qaraldıqca qaraldı...

Say! Neçə ili keçmişə bağışladın?

Yarpaqlar ağaclardan töküldükcə

Gücün artıb çoxalsada saçların ağardıqca ağardı..

• Artist:Qaraqan
• Album:Qısa Qapanma