Дробна драбніца [Drobna drabnica] [IPA translation]

Дробна драбніца, дробна драбніца,

Дробны дождж ідзе.

Ой, сабралася бедна галота

Дый гарэлку п’е.

— П’ём мы гарэлку, п’ём мы гарэлку

Будзем піць віно.

А хто к нам прыйдзе, будзе смяяцца,

Будзем біць таго.

Ой, прыйшоў дзядзька, дзядзька багаты

Насміхаецца:

— А скуль жа гэта бедна галота

Напіваецца?

Ой ты не смейся, дзядьку багаты

Ты не смейся з нас,

Вазьмі у рукі чарку гарэлкі,

Выпі ты да нас.

— Рад бы я выпіць, рад бы я з’есці,

Рад бы закусіць.

Сто рублёў маю, сто рублёў маю,

Недзе размяніць.

У цябе сотні, а ў нас драбніца,

Дык не смейся з нас.

Ідзі ты к чорту, дзядзька багаты,

Ідзі ты к чорту ад нас!

Адзін за ругі, другі за ногі,

Трэці ў карак б’е:

— Ой, не йдзі, не йдзі, дзядзька багаты,

Дзе галота п’е!

• Artist:Belarusian Folk