Dum iuventus floruit [30] lyrics
Songs
2024-10-06 00:16:13
Dum iuventus floruit [30] lyrics
ca. 1170
Petrus Blesensis
(ca. 1135 - ca. 1204)
1.
Dum iuventus floruit,
licuit et libuit
facere, quod placuit,
iuxta voluntatem
currere, peragere
carnis voluptatem.
2.
Amodo sic agere,
vivere tam libere,
talem vitam ducere
viri vetat etas,
perimit et eximit
leges assuetas.
3.
Etas illa monuit,
docuit, consuluit,
sic et etas annuit:
«nichil est exclusum!»
omnia cum venia
contulit ad usum.
4.
Volo resipiscere,
linquere, corrigere,
quod commisi temere;
deinceps intendam
seriis, pro vitiis
virtutes rependam.
- Artist:Carmina Burana
- Album:Carmina moralia et satirica. De conversione hominum