Ձյունը իմ երգն ե երգում [Dzyuny im ergn e ergum] [Transliteration]

Ձյունը երկար սպասեց գիշերվա խորհրդին,

Մինչև լույսերը հանգան, ու ձայները լռեցին,

Ու հանկարծ գիշերվա մեջ ինչ-որ բան զրգնգաց,

Խենթի պես պարելով փաթիլներն իջան ցած:

Ձյունը գալիս է դանդաղ,

Ձյունը իմ երգն ե երգում,

Ձյունը իջնում է թեթև,

Ձյունն իմ հեքիաթն է պատմում:

Արծաթե թիթեռնիկներ

Պոկված կապույտ հեքիաթներից

Թևածելով իջան ներքև,

Երգով լցրին քաղաքը ծեր,

Ու երազկոտ կտուրներին բերին ճերմակ հանդարտություն,

Ու երազկոտ կտուրներին բերին ճերմակ հանդարտություն:

Ձյունը գալիս է դանդաղ,

Ձյունը իմ երգն ե երգում,

Ձյունը իջնում է թեթև,

Ձյունն իմ հեքիաթն է պատմում:

Ոսկեծամ գեղեցկուհի, առանց քեզ ես չեմ ապրի,

Առանց քեզ ձյունը ճերմակ, ա՜խ, շուտով կդադարի,

Հայտնվիր գիշերվա իրական հեքիաթում,

Որ մինչև լուսաբաց մեզ իր գիրկն է առնում:

Ձյուն, սպիտակ ձյուն, մեղքերիս մեր թողություն,

Սպիտակ ձյուն, իմ ճերմակ քնքշություն,

Սպիտակ ձյուն, իմ ճերմակ մանկություն:

Արծաթե թիթեռնիկներ

Պոկված կապույտ հեքիաթներից

Թևածելով իջան ներքև,

Երգով լցրին քաղաքը ծեր,

Ու երազկոտ կտուրներին բերին ճերմակ հանդարտություն,

Ու երազկոտ կտուրներին բերին ճերմակ հանդարտություն:

• Artist:Ruben Hakhverdyan