'E ffrónne [Italian translation]

Cu ‘e primme fridde ‘e viérno

frédda si’ addeventata,

sta mana tója gelata

te trèmma 'mmano a mme..

Ma tu niénte me dice

e i’ niénte t’addimanno,

pecchè sti còre ‘o ssanno

chéllo ca hann’a sapè..

Tu si’ cómm’a n’auciéllo,

cante nu juórno, ..dduje..

po, arape ‘e scélle e fuje

e, addio, nun tuórne cchiù..

Si’ ‘o sóle ‘e marzo…’o sóle

ca luce... e po scumpare

e, tale e quale ô mare,

fedéle nun si’ ttu!!

Addio!.. Càdeno ‘e ffrónne…

càdeno e ‘o viénto ‘e spèrde..

Èrano accussì vvèrde

quanno cantave tu!

Addio! ..Cómme te chiamme,

bèlla ca te ne vaje??

Tu stéssa nun ‘o ssaje :

te chiamme.. giuventù!!

• Artist:Libero Bovio