'E rimpètto [Italian translation]

Ll'ato juórno c'o sciato facètte

d'a fenèsta na lastra appannà

e c'a pónta d'o dito screvètte:

“Ah, che bène ve vòglio, 'ònn'Amà!”

Dòppo scritto,'ònn'Amà, v'assicuro,

me sentètte 'int'e gamme chià,

e appuiato restaje ‘nfaccia ô muro

sènza manco ‘o curaggio 'e parlà...

Quanno maje m'era tanto azzardato?

Quanno maje m'era ardito accussì?

Si cu vuje nu scurnuso c'è stato,

mo nce vo', stu scurnuso sóng’i'.

Tutto ‘nziéme nu zumpo facètte...

Me parètte, v'o giuro, 'e murì !..

Tu ...scrivive!...E, tremmanno, io liggètte

‘ncòpp'a lastra: “E pur''io, donn'Errì...”.

• Artist:Salvatore Di Giacomo