E vuje tenite [Italian translation]

E vuje tenite ll’uócchie accussì dóce

e nu surriso tanto aggrazziato

ca i’ se ve guardo, nce resto ‘ncantato

e si vòglio parlà me trèmma ‘a vóce.

So’ nnammurato, sì! So’ nnammurato!

Cómm’a nu tizzo chistu còre còce

e sbatte e sbatte..e corre cchiù velóce

‘e nu cavallo quann’è scapuliato !!

Vuje che dicite ? E nun tenite a mènte

ca site ‘o suónno mio, suónno d’ammóre,

ca mo tutt’e nuttate s’appresènta ?

Sì, s’appresènta ..e nun me fa’ durmì ;

e stu turmiénto amaro ‘e tutte ll’òre,

còre mio, còre mio, ve ll’aggi’a dì !!..

• Artist:Ferdinando Russo
• Album:Le videopoesie di Gianni Caputo