En d'r Kayjass Nummer Null lyrics

En d'r Kayjass Nummero Null

steit en steinahl Schull,

Un do hammer dren studiert.

Unsere Lehrer, dä hieß Welsch,

sproch e unverfälschtes Kölsch

Un do hammer bei jeliehrt.

Joh un mer han off hin un her üvverlaat

un han för dä Lehrer jesaat:

[Refrain:]

Nä, nä, dat wesse mer nit mih, janz bestemp nit mih,

Un dat hammer nit studiert.

Denn mer woren beim Lehrer Welsch en d'r Klass

Do hammer sujet nit jeliehrt.

Dreimol Null es Null es Null

Denn mer woren en d'r Kayjass en d'r Schull

Dreimol Null es Null es Null

Denn mer woren en d'r Kayjass en d'r Schull

Es en Schiev kapott,

es ene Müllemmer fott,

hät d'r Hungk am Stätz en Dos.

Kütt ene Schutzmann anjerannt,

hät uns sechs dann usjeschannt,

sät: "Wat maat ihr sechs dann bloß?"

Joh un do hammer widder hin un her üvverlaat

un han för dä Schutzmann jesaat:

[Refrain]

Neulich kräät uns en d'r Jass

die Frau Kääzmanns beim Fraass,

sät: "Wo lauft ihr sechs bloß hin?

Uns Marieche sitz zo Hus,

weiss nit en un weiss nit us!

Einer muss d'r Vatter sin!"

Joh un do hammer ald widder hin un her üvverlaat

un han för die Kääzmanns jesaat:

(Liev Frau Kääzmann....)

[Refrain]

• Artist:Bläck Fööss