Երբ աչքդ ժպտում է [Erb achqyd zhyptum e] lyrics

Լուսինը նորել է, եկ, ես էլ նորանամ,

Մի ոսկե թաս առնեմ, գարնան պես լիանամ,

Մեր ուխտը մեր սրտում, մուրազով կմնամ,

Դու մի շող արևի, շողշողա, ջերմանամ:

Երբ աչքդ ժպտում է,

Ձորերն իմ ցնծում են,

Էս նորեկ տարվա պես

Խնդում ու թնդում են:

Եղեգան ծուխ կելնի հազար մի երդիկից,

Քեզ կանչող տաղ կելնի սիրահույզ իմ սրտից,

Սիրտս եմ վառել, յա՛ր, ջահ արել ճամփեքիդ,

Հրեշտակ իմ կյանքի, իջել ես երկնքից:

Ինչքան էլ հեռանաս, հուր շող ես արևի,

Խաղերով կվառես սիրահար սրտերին,

Գուսանի քամանչան, գուսանի նուրբ լարը,

Քո սիրուց կհնչեն, ձայնն առած աստղերի:

• Artist:Gusan Ashot