Eune goutte eud’jus lyrics

Tous les jours, les femmes dins les corons,

Chacun leur tour s’invite à leu maison.

À peine que’s’n’homme i'a tourné l’coin d'él’rue,

Qu’à mon Simone, in bot eune goutte eud’jus.

Depuis hier, in a à raconter! Et cha va mieux in buvant sin café.

Philomène, quo's'qu’elle prind dins sin nez, seule femme d’eul’rue qui va au cabaret.

Viens donc boire eune goutte eud’jus, eune goutte eud’jus, eune goutte eud’jus

Profite qu'i’est’cor su’ch’fu. Viens boire eune goutte eud’jus

Que d’excuses pour faire eune tchiote parlotte:

J’n’ai pus d’thym, i m'manque eune échalote.

Heureusemint, qu’dins chaque maison d’eul’rue,

Él’caf'tière, alle est toudis su’ch'fu.

Cha réconforte d’avoir eune bonne voisine; ça soit Jeanette, Suzanne ou bin Pauline.

Doifent avoir fait un stage au Brésil, car leu café ch’est pas d’eul’camomile.

Viens donc boire eune goutte eud’jus, eune goutte eud’jus, eune goutte eud’jus

Profite qu'i’est’cor su’ch’fu. Viens boire eune goutte eud’jus

D’eul’chirloute, ichi in n’in bot pas

Tire’eul’cul, quind té bos ch’café là.

Eul’café, comme dit Marie Toutoule

Ch’est meilleux, avec eune tchiotte bistoule.

Café par chi, i’n’sé bot qu’a’l’chuchette, ch’est tell'mint bon ch’n’est point du jus d’cauchettes.

Allez Mélie, arversez me eune tasse, intique, intasse et t’occupe point de’ch’ti qui passe.

Viens donc boire eune goutte eud’jus, eune goutte eud’jus, eune goutte eud’jus

Profite qu'i’est’cor su’ch'fu. Viens boire eune goutte eud’jus

• Artist:Edmond Tanière