Eureka [English translation]

Bessin dae su coro durches melodias,

che abba frisca colan in sas manos mias

finas a tocare terra chena 'ider cuntierra:

naschen sas cantones mias.

Che sa pintura chi faghet eternu cuss'istante

chi s'oju incantadu dae su sole in s'oriente,

sa temporada in mare partorza arveschet

s’iscurigadorza.

Un istriore chi rendet su coro faltadore

o sa tristura, fidele cumpagna 'e su dolore

Carignos, làgrimas, bisos,

boghes, zente, sentidos:

sun sas cantones mias.

Sa 'oghe durche de chie lassadu t'at,

sa nostalgia chi su coro faltat

S'amigu caru istima, t'abbizas chi dae issu naschet

finas una rima?

Un istriore chi rendet su coro faltadore

o sa tristura fidele cumpagna 'e su dolore.

Carignos, làgrimas, bisos,

boghes, zente, sentidos.

S'amore chi ti faghet in sa notte sonniare

o su pitzinnu ch'in sa coa dias ninniare.

Abbratzos, risos e cantos

o de natura ispantos:

sun sas cantones mias.

Abbratzos, risos e cantos

o de natura ispantos.

Vidas si faghen paràulas e música

dende s'alenu, e tando:

Eureka!

• Artist:Maria Luisa Congiu