فرس فرس [Faras Faras] lyrics
Songs
2024-11-18 18:34:14
فرس فرس [Faras Faras] lyrics
فرس فرس من حسنها الحسن انخرس
تتزاحم قلوب البشر بقبالها
وقفة فرس مشية فرس لفتة فرس
من حقها تغتر حيل بحالها
كم ساحر(ن) في عيونها النجلا درس
وكم شاعر(ن) من حسنها غنى لها
وأحلى الغواني قربها كنهن حرس
كن الحلا مخلوق فيها لحالها
كم قلب في درب مشت فيه انغرس
يحلم تمره لو بظل ظلالها
ما تلتفت حتى لطويلين المرس
مترفعه ما كل من جا طالها
يا ما احترس مني الغرام وما احترس
قلب تعلق في طرف سلسالها
واللي غرس فيها المحبه بي غرس
حب يفوق الي في بالي وبالها
فرس فرس لو حولها مية فرس
يوم المحتها العين قلبي شالها
في خافقي اسمع لخطوتها جرس
ويرن في صدري صدى خلخالها
- Artist:Hussein Al Jasmi