Filonzana [Spanish translation]

Dromi pitzinnu, dròmiti anninnia,

dromi serenu, de oro sienda!

Intro sas venas tuas b’est sa prenda

chi dae mizas annos galu est bia,

ammentu de cudda rara zenia

chi fraigaiat bellos nuraghes:

homines ch’istimaiant sas paghes,

fizos dilettos de Mama Sardigna.

M’an dadu pro la tenner in cunsigna

sa pandela issoro preferida:

dae babbu a mene est arrivida

e connota l’an jaju cun bisaju.

Dae tempos antigos est unu raju,

sa limba sarda che roca resistit,

pro séculos e séculos no ammitit

preséntzias istranzas pro padronas.

Romanos e Fenicios fin iconas

cun Cartàgine e Bisàntziu puru,

ma issa at cunservadu de seguru

de dognunu sa pius bella cosa.

In su tempus fiorida che rosa

est custa limba faeddada ancora.

Totu custu nos mustrat in cust’ora

s’importàntzia de sas raighinas.

E che Sardos sighimus sas orminas

de limba, libertade e idea.

Oh fizu meu! su cussizu lea

de Mereu, poeta de Sardigna:

“Depimus esser fizos de un’insigna,

Lìberos, Rispettados, Uguales!”

• Artist:Maria Luisa Congiu
• Album:Arveschida