Finza a iscì lu sori lyrics

Puru l’amori a volthi dibenta cruderi,

cumenti un manzanu d’isthiu freddu e senza sori,

pari un jardhinu chi ha pessu li so beddi fiori

undì no acciappi nemmancu un soru curori.

E’ feu gandu un tristhi sigretu no voi cunfidallu,

torri a cridivi ma caggi i lu matessi imbagliu,

femmini cun un disthinu di un durori mannu,

e mammi morthi ammazzaddi da un amori maraddu.

[Turradda:]

Femmina, torra a pignì, ma soru di firiziddai,

fai vidè chi poi cridì a una noba libalthai,

fara in piazza, fallu abà, fatti turrà a ripittà,

fatti fozza, no pinsà chi no poi più cuntinuà.

L’hai sempri juraddu tu, chi vurì isthà soru bè,

pena no prubanni più, pensa a la chi dazi a te,

fai turrà lu cori undì abarà torra a vurà

finza a iscì lu sori chi s’è isthudaddu tempu fà.

Candu l’amori a volthi dibenta cruderi

poniri fini, fuggi e no dalli un padroni

l’ommu chi amabi è chissu chi no t’ha mai amaddu,

no ti miresci, no è zelthu lu chi abi sunniaddu.

[Turradda]

• Artist:Fabrizio Casu