Fred Bongusto - Vierno

E chiove, chiove, chiove ‘a 'na semmana

E st’acqua assaje cchiù triste mme mantene

Che friddo, quanno è ‘a sera, ca mme vène

Cu st’aria ‘e neve, mo' ca manche tu

‘Sta freva, ca manch’essa mm’abbandona

‘Sta freva ‘a cuollo nun se leva cchiù!

Vierno!

Che friddo ‘int’a stu core...

E sulo tu

Ca me puó’ dá calore

Tu staje luntana

E nun te cure ‘e me!

Tu staje luntana

E nun te faje vedé’!

Ca mamma appiccia ‘o ffuoco tutte ssere

Dint’a ‘sta cammarella fredda e scura

“Ma che ll’appicce a fá, vecchia mia cara

S’io nun mme scarfo manco ‘mbracci’a te!?”

Povera vecchia mia... mme fa paura:

È n’ombra ca se move attuorno a me!...

Vierno!

Che friddo ‘int’a stu core...

E sulo tu

Ca me puó’ dá calore

Tu staje luntana

E nun te faje vedé’!

Tu staje luntana

E nun te cure ‘e me!

Vierno, vie'!

Vierno, vie'!

• Artist:Fred Bongusto
• Album:d Bongusto (1963)