Gandkvæði Tróndar [English translation]

Hevjið í homrum

harðmælta kvæðið,

villu valkyrjur,

vetrarins børn,

tit mínar frælsu,

froysandi hvirlur,

føddar av ódn.

Hastið í hernað

hamranmna døtur,

vekið til veldis

vilt glaðustrok;

gravið frá grunni

goysandi orrusturok.

Ramar eg risti

rúnir, ið rinda

ravni ræ.

Sanna skal Sigmundur1,

Tróndur2 trøllsterkur kvað.

Verjast skal valhøll,

ið vølvur veittu

Miklum norðlanda monnum til mið.

Eydnast at inna

ei skal Sigmundi

Eystlanda sið3.

Fjallfríðu Føroyar,

ramasta rúnin,

ritað av gudum

um einstakra rætt!

Trygdareið Tróndur

hann treystligt at verja

svór síni ætt.

Hevjið í homrum

harðmælta kvæðið,

villu valkyrjur

veiti mær vørn.

Fram móti Sigmundi

skip hansar sorandi,

land honum forðandi,

fram móti kristni

kirkjurnar brótandi,

Tróndur til Tórs og til Óðins er blótandi,

høgt kvøður heiðin ørn.

1. https://fo.wikipedia.org/wiki/Sigmundur_Brestisson2. https://fo.wikipedia.org/wiki/Tr%C3%B3ndur_%C3%AD_G%C3%B8tu3. https://fo.wikipedia.org/wiki/Kristind%C3%B3mur

• Artist:Týr
• Album:Land (2008)