Gen haidelwerg rait ich lyrics

Gen haidelwerg rait ich zu meinem herren reich,

Fünff fürsten uon der kur vänd ich da wirdkleich,

Uon Cölen Maintz und Tryel drey bischof hoher zeich,

Phalczgraf bey Reyn Marrgräd Brandburg gemachet,

Hoch auf den berg schrayt ich gen hoff gar an die tür,

Zu herzcog ludwig den ich für alle fürsten spür,

An frümikait göttlichen milt do kim ich für

Gütlichen vein wart ich uon jm versprachet,

Schier müsst ich singen hel erklingen manig liet,

An allen jammer insein kamer ich geriett,

Dorin zu ligen unuerzigen sölcher myett,

Und eer wart nye den freunden mein erwachet,

Von mandel rock recht Als ein tock wart ich beklait,

Durch füxss und märder mein wallgehäder von mir lait,

Hüt underzogen kom geflogen auf mein schayt,

Sein rat cih ye müsst sweren still verdachet.

O phalzgraf ludewig bey Reyn so veim deim steig,

Geit braite schraitte tugent gross kainer dein genoss,

Dir nicht geleichen mag hör mich was ich dir sag,

Sich klärlich bärlich uindet das nach adelicher mass,

Die rüstu fürstu jn stetem schlit

Durch manheit weisshait warhafft milt,

Ouch fröwen dich die frowen permafoy,

Hort ich uon deim getruen gemaheln von sophoy.

Ich rüm dich Haidelwerg lob oben auf dem perg

Das schöne fröne mündlin rot da zeren muoss und brot

Mit züchten wolgemüt ir er ist ser behüt,

Durch meczlin keczlin kädrichin Agnes und engichin,

Der jugent tugent wolgeziert,

Mit wandel handel vngefiert,

Das lob ich got den milden was ich kan,

Das er also kan bilden schön kindichin wolgetan.

• Artist:Oswald von Wolkenstein
• Album:Ich rühm dich Heidelberg