Ղարաբաղի գարունը [Gharabaghi Garuny] lyrics

Լեռների գագաթին հարատև մնում է գարունդ, Ղարաբաղ:

Հազարան երամդ ոսկեթև երգում է գարունդ, Ղարաբաղ:

Եղնիկիդ աչքերը ջրերին,

Քո սերն է միշտ պատմում աշխարհին,

Ա՜խ, սիրուն եղնիկս, վիրավոր-վիրավոր,

Ա՜խ, սիրտը հույզի ծով, սիրավոր- սիրավոր:

Լեռներդ ցողակապ, շողակապ քո բերդ ու վանքերը հոյակապ,

Վայելքի օջախ ես դու հիմա, շողում է գարունդ Ղարաբաղ:

Եղնիկիդ աչքերը ջրերին,

Քո սերն է միշտ պատմում աշխարհին,

Ա՜խ, սիրուն եղնիկս վառ հուշ է, վառ հուշ է,

Ա՜խ, սիրուն օրրանն իր, ուրիշ է, ուրիշ:

Քո Սյունյաց սարերն են թիկունքդ, լուսինն ու աստղերն են աչկունքդ,

Աստղունքին բույր կտան ծաղկունքդ, վառվում է գարունդ, Ղարաբաղ:

Եղնիկիդ աչքերը ջրերին,

Քո սերն է միշտ պատմում աշխարհին,

Ա՜խ, սիրուն եղնիկս մոլոր է, մոլոր է,

Թախիծ կա աչքերում, խռով է, խռով է:

Երկնահաս լեռներից ուժ առած, պապական օջախ ես` լույս վառած,

Աշոտն էլ քո սիրով հմայված, երգում է գարունդ, Ղարաբաղ:

Եղնիկիդ աչքերը ջրերին,

Քո սերն է միշտ պատմում աշխարհին,

Ա՜խ, սիրուն եղնիկս մի՛ գնա, մի՛ գնա,

Ա՜խ, դրախտ օրրանդ մի՛ թողնի, մի՛ գնա:

• Artist:Gusan Ashot