Hébrides lyrics

Selaouit 'ta, tud yaouañk, ivez ar re goshañ

Ur son nevez kompozet emaon o vont da ganañ

Ur son nevez kompozet emaon o vont da gane

Ha ma vez kontant an dud e vo un ali da-c'houde

Ar merc'hed a oa gwechall disheñvel diouzh ar baotred

Ya, met d'an deiz a hiziv an daou 'vez kemmesket

War plasennoù 'vel er ruioù e vez gwelet alies

Ar merc'hed gant ur bragoù gant an amzer nevez

Er c'hêrioù 'vel er maezioù pep lec'h eo memestra

Ma vez glav, ma vez heol ne cheñch ket kalz a dra

Ar baotred gant gwalennoù, ar mer'hed gant blev touzet

Ar merc'hed oc'h evañ gwin ha kafe gant ar baotred

Ar merc'hed o riboulat e-barzh an ostaleri

Ar baotred chomet er gêr o torchañ al listri

Ur wech memes 'm eus gwelet e-kichen Poullaouen

Ur plac'h gant ur c'horn butun, war he fenn ur gasketenn

Gwashañ tout 'oa an deiz all e parrez Landelo,

Ur plac'hig a drivec'h vloaz o vleniañ ur moto

Ha ganti bochoù uhel demeus ar re dransparant

'Vit ma welje an holl dud he zatouaj liv ardant

'Vit echuiñ paotred yaouank pa 'z it da verc'heta,

Diwallit, diwallit mat bremañ da faziañ

Diwallit, diwallit mat bremañ da faziañ

Ha sellit hag adsellit mat an hini 'peus c'hoant da gentañ

• Artist:Denez Prigent
• Album:Dao Dezi