Հազար օրհնանք [Hazar orhnanq] lyrics

Հազար օրհնանք հիմնաքարդ դնողին,

Փառքով օծված երգով լցված Երևան,

Հազար մի փառք կամարներդ կապողին,

Կրակների միջով անցած Երևան,

Դու սրտաբաց Երևան:

Սուրբ մոր նման բարի հույս ես

Հրահուր Երևան,

Հազար գարնան արշալույս ես,

Խնկաբույր Երևան:

Բազմաշնորհ սերունդներիդ ես մատաղ,

Մագաղաթյա լույս գանձերիդ ես մատաղ,

Սրտի փափագ Մասիսներիդ ես մատաղ,

Մի փառապանծ Անի դարձար Երևան,

Դու սրտաբաց Երևան:

Հազար Աշոտ երգ կկապեն քո քարին,

Հազար պանդուխտ հույս կկապեն քո քարին,

Հազար խաղաղ գարուն կիջնի քո քարին,

Իմ քնարին` քնար դարձած Երևան

Դու սրտաբաց Երևան:

• Artist:Gusan Ashot