He deit et wih un do deit et wih [Portuguese translation]
He deit et wih un do deit et wih [Portuguese translation]
Wesst ihr noch vür 40 Johr,
met bläcke Fööss un lange Hoor.
Mir wore beklopp,
un immer joot drop,
nur Musik, Mädche un Blödsinn em Kopp.
Un wat es hück?
He deit et wih un do deit et wih,
alles wat schön es, dat darf mer nit mih.
He deit et wih, un do deit et wih,
alles wat joot deit, dat kammer nit mih.
Mer kannte kein Bandschiev, kein Levver, kein Milz,
Mer hatte kein Angs vür nem Kölsch oder Pils.
Mer kannte kein Niere-, kein Jallestein,
un höppten vun einem op et andere Bein.
Un wat es hück?
He deit et wih un do deit et wih,
alles wat schön es, dat darf mer nit mih.
He deit et wih, un do deit et wih,
alles wat joot deit, dat kammer nit mih.
la, la, la, la.....
Mer broote kein Brill , mer kannte kein Jich
mer wore elastisch, et Jeheens dät sing Pflich.
Et Föttche wor heiss, un de Röggelcher wärm
hück hammer statt Mädche en Wärmfläsch em Ärm.
Denn:
He deit et wih un do deit et wih,
alles wat schön es, dat darf mer nit mih.
He deit et wih, un do deit et wih,
alles wat joot deit, dat kammer nit mih.
Kein Hämmche, kein Bierche,
keine Schabau, kein Zarett,
kein Botter, kein Blootwoosch,
leider alles zo fett.
Bluthochdruck, Demenz un Cholesterin,
mer fresse jede Morje en Kump Asperin.
Denn:
He deit et wih un do deit et wih,
alles wat schön es, dat darf mer nit mih.
He deit et wih, un do deit et wih,
alles wat joot deit, dat kammer nit mih.
He deit et wih und do deit et wih,
manchmol do meint mer,
mer pack et nit mih.
Doch loss mer ald fruh sin,
denn, deit d'r janix mih wih,
dann es alles vorbei,
denn dann simmer nit mih.
la, la, la, la.....
- Artist:Bläck Fööss
- Album:Alles für die Liebe (2010)