هەی نار [Hey Nar] lyrics
Songs
2024-07-04 15:50:57
هەی نار [Hey Nar] lyrics
لە دوگمەی سینە دوێنێ نوێژی شێوان
بەیانی دا سپێدەی باغی سێوان
لە خەوفی تەلعەتی ڕۆژ، هەر وەکوو شێت
بەڕوو زەردی هەڵات و کەوتە کێوان
دوو چاوی من کەوا کەیلی سروشکن
دەپێون ئاوی بەحری خوێ، بەپێوان
مەکەن لۆمەی پەشێوی دڵ کە ئەمشەو
پەشێواوە لەبەر پەرچەم پەشێوان
خۆشم ئەوێی بەقەد جوانی
زیاتر لەوەی خۆت ئەیزانی
گیرۆدەت بووم، خۆیشت ئەیزانی
خۆشم ئەوێی بەقەد چاوم
بەقەد دڵی هەڵگیرساوم
هەر تۆم ئەوێ، هەتا ماوم
هەی نار، هەی نار، باوانم یار
هات و ڕۆیشت، یار بە لەنجەولار
دیسان دەرکەوت گەردەن ناسکە
وەنەوشە ڕووت، زیوین باسکە
ئەی هاوار ئەو چەندە ناسکە
ئاگرێ لەجەرگم دەگەڕێ
تا نەمکوژێ لێم ناگەڕێ
تۆ بی بۆ لام دادەمرکێ
خۆزگە من و تۆ تامردن
وەک زوڵفت بین، دەست لەگەردەن
هەی نار، هەی نار، باوانم یار
هات و ڕۆیشت، یار بە لەنجەولار
- Artist:Mazhari Xalqi