I' mm'arricordo 'e Napule lyrics

I' mm'arricordo 'e Napule 'e matina

Quanno schiarava juorno a ppoco a ppoco,

'Nu ventariello doce e n'aria fina,

Spuntava 'o sole 'ncielo comm' 'o foco.

A tutt' 'e ffronne canteva auciello

E salutava a tutt' 'e nenne belle

E 'a 'nu guaglione 'mmanech' 'e cammisa

Senteva chesta voce 'e paraviso:

"Rrose, rrose de maggio,

Rrose pe' 'nnammurate,

Cu 'st'aria 'mbarzamata

Vuje dint' 'o lietto state?"

I' mm'arricordo 'e Napule 'e cuntrore,

?O sole ca cuceva 'e sentimente,

'Na coppia 'e 'nnammurate a 'na cert'ora

Se deva a Margellina appuntamento.

E lu Vesuvio visto da luntano,

'O mare ca sbatteva chiano chiano,

Mentre de' scoglie respirav' addore,

Senteva 'n'ata voce 'e cantatore:

"I' tengo 'a 'nnammurata ch'è bella

E sto geloso

E tengo 'e persiane

Apposta pe' dischiude".

I' mm'arricordo 'e Napule 'e nuttata,

'Ncopp'a ll'onne Pusilleco adurmeva

E po' menava 'n'aria profumata,

Comm'a ll'argiento 'a luna le spanneva.

E quanno 'e chillo cielo i' mm'arricordo,

Me vene a ll'uocchie 'e llagreme 'nu velo,

Pare ca veco 'e stelle 'na curona

E sento ancora l'eco 'e 'sta canzona:

"Oje, varca lenta e stracqua,

I' penzo 'a nenna mia,

C' 'a voglio bbene ancora,

E moro 'e gelusia".

• Artist:Antonello Rondi