I Will Survive [Sardinian [southern dialects] translation]
I Will Survive [Sardinian [southern dialects] translation]
A s’incumentzu timemu
Femu círdina che perda
Pensamu sempri chi no emu a porri bivi mai
Sentz'e ti tenni acanta
Ma a pustis apu passau medas nottis
Pensendi a cantu m’as fertu
E mi seu fatta forti
E apu imparau a m’indi scabulliri
E imoi 'ndi ses torrau de foras
Candu seu intrada t’apu agatau innoi
Cun cussa mirada trista in faci
Dd’ia depi cambiai cussa stocad’e serradura
T’indi dd’ia depi pigai is crais de domu
Si dd’emu scípiu sceti po un’iscuta
Ch'ind'iast a torrai po mi scimingiai
(Cuncordu:)
E imoi baidindi, toca, stuppanci de sa porta
Furria is palas de pressi
Ca no ti bollu biri prus innoi
No fiast tui cussu chi
Mi boliat strumpai cun d’unu adiosu?
Ita ti pensàst, de mi scerfai?
Pensàst chi m’emu a sterrinai e morri?
No cretas, deu no
Deu apu a sighiri a bivi!
E po cantu apu a sciri amai
Deu sciu chi apu a abarrai bia
Tengu totu sa vida mia de bivi
Tengu totu s’amori miu de donai
E apu a sighiri a bivi
Apu a sighiri a bivi
Ej ej
M’inci est bófia totu sa fortza chi tenemu
Po no mi fai scusciai
Apu fattu de totu po arregolli is arrogus
De su coru miu sperrau
Ge nd'apu passada una de notti
Tenendi làstima de mei e totu
E prangemu
Ma imoi ge andu a conca arta
E ge mi bis
Seu totu noa
No seu cussa feminedda acapiada
Colada pérdia de tui
T’est acucau de benni a mi circai
E ti creiast chi deu femu líbera po tui
Imoi totu s’amori miu mi dd’aguantu
Po calincunu chi mi stimat diaderus
(Cuncordu x2)
M’inci est bófia totu sa fortza chi tenemu
Po no mi fai scusciai
Apu fattu de totu po arregolli is arrogus
De su coru miu sperrau
Ge nd'apu passada una de notti
Tenendi làstima de mei e totu
E prangemu
Ma imoi ge andu a conca arta
E ge mi bis
Seu totu noa
No seu cussa feminedda acapiada
Colada pérdia de tui
T’est acucau de benni a mi circai
E ti creiast chi deu femu líbera po tui
Imoi totu s’amori miu mi dd’aguantu
Po calincunu chi mi stimat diaderus
(Cuncordu)
- Artist:Gloria Gaynor
- Album:Love Tracks