ՀԱՋՈՐԴ ԿՅԱՆՔՈՒՄ [IN THE NEXT LIFE] lyrics

Ինչ որ այրվեց ու հեռացավ,

Այն ինչ ջնջվեց ու կարծրացավ,

Այն ինչ կիսատ շնչեց հոգում,

Այն ինչ չարվեց մեկ այս կյանքում,

Այն ինչ երկունք մնաց սրտում-

Սպասիր, սպասիր-

Ես կավարտեմ հաջորդ կյանքում:

Կիսատ համբոյրը՝ քարացած,

Կապոյտ գիշերը՝ չքացած,

Կիսատ աղոթքը՝ մոռացված,

Անբիցծ երդումը՝ ուշացած,

Կիսատ իմ սերը՝ գողացած...

Սպասիր, սպասիր-

Քեզ կսիրեմ հաջորդ կյանքում:

Կիսատ ապտակը՝ չտրված,

Կիսատ հեգնանքը՝ չմարած,

Խաչիս վերքերը՝ սպիացած,

Կիսատ վրեժը չլուծված,

Եվ հայհոյանքը անավարտ...

Սպասիր, սպասիր-

Ես կավարտեմ հաջորդ կյանքում:

Կիսատ երգերս՝ չերգած,

Կիսատ տողերս՝ չգրված,

Անձայն խորհուրդը՝ չակոսած,

Տենդոտ բեմերը՝ չբացված,

Կիսատ կիթառս՝ չլարած...

Սպասիր, սպասիր-

Ես կլարեմ հաջորդ կյանքում:

Կիսատ անեծքը՝ հուշ դարձած,

Կիսատ բաժակը՝ չխմված,

Կիսատ մեղքերս՝ չգործած,

Կիսատ հոյսերս՝ գողացված,

Փոշոտ դիմակը՝ փրկության,

Սպասիր, սպասիր-

Ես կպատռեմ հաջորդ կյանքում:

Կիսատ թռիչքը երազիս

Եվ լուռ տրոփը լույսերի

Այն ինչ այսօր չհասկացա,

Այն ինչ աստղի ես չհասա

Եվ ինչ հեքիաթ որ չապրեցի,

Սպասիր, սպասիր-

Քեզ հետ կապրեմ հաջորդ կյանքում:

• Artist:Arthur Meschian