Ir bischofe und ir edelen pfaffen lyrics

Ir bischofe und ir edelen pfaffen, ir sît verleitet,

seht wie iuch der bâbest mit des tiuvels

stricken seitet. saget ir uns daz er sant Peters slüzzel habe, sô saget war umbe er sîne lêre von den buochen schabe. daz man gotes gâbe iht koufe oder verkoufe daz wart uns verboten bî

der toufe. nû lêretz in sîn swarzez buoch, daz im der hellemôr hât gegeben und ûz im leset sîniu rôr. ir Kardinal, ir decket iuwern kôr, unser alter

frône, der stêt under einer übelen troufe.

• Artist:Walther von der Vogelweide