Իրիկուն [Irikun] lyrics

Օրը հանգավ,

Ահա՛, և իրիկունը

Փռեց

Իր հնամաշ շորերը,

Որ կարկատի հուշերը

Վաղուց ապրած

Արկածների:

Մայրամուտի վառվող արևն,

Արևն ու ես,

Մենք քեզ փնտրում ենք միասին,

Փնտրում ենք քեզ:

Մայրամուտին արևն ու ես,

Մենք փնտրում ենք,

Մենք փնտրում ենք քեզ:

Իրիկո՜ւն,

Իմ բարի՜ իրիկուն,

Ի՞նչ գաղտնիք կա քո մութ,

Քո կապույտ հայացքում:

Դու ես ու ես,

Դու դեռ իմ հուշերում ես,

Լսի՛ր՝

Մեր սերն ապրեց իր կյանքը,

Բայց նրա արձագանքը

Մինչև հիմա

Սրտումս կա:

Իրիկո՛ւն, իրիկո՛ւն, բարի՛ կախարդ,

Դու նայում ես, նայում ինձ անթարթ,

Ինձ ասա՛, իմ բարի՛ իրիկուն,

Ի՞նչ գաղտնիք կա քո մութ հայացքում:

• Artist:Ruben Hakhverdyan