Ispera lyrics

Frore in su giardinu meu,

lizu 'e sa corte mia:

mortu mi l’as ebbia.

Mortu mi l’as tue Deus,

leadu t’as a fizu meu:

custu no est Deus.

Proite, Deus, leadu no as a mie ?

Menzus morta fia

pro mi lassare a patire asie,

morta essende bia.

Carre de sa carre mia,

fiat su sambene meu,

mortu mi l’as, Deus.

Neche peruna teniat

in s’alenu ‘e sa pitzinnia,

fiat fizu meu.

Tue, Maria, provadu as che a mie

pena e angustia.

Proite tando a patire asie

lassas puru a mie?

Paret chi istratzadu apan

su coro dae petus meu.

Anghelos pro Deus cantan,

deo canto s’anneu.

Istrino sos ojos tuos a chie, de s’iscuru,

pro chie ispera no at leet su coro puru.

Su sàmbene 'e fizu meu

como est in su tou.

Abbràtzalu in parte mia

e muda s’anneu in ninnia,

abbràtzalu ancora dae nou,

abbràtzalu ancora dae nou.

• Artist:Maria Luisa Congiu
• Album:Boghe de s'anima