Je suis malade [Venetan translation]

No sogno più, no fumo più,

No go gnanca più storia

So sporca sensa de ti

Fasso schifo sensa de ti

So come 'na trovatèa so un dormitorio

No go più vògia de viver ea me vita

Ea me vita finisse quando che ti va via

No go più vita, e anca el me lèto

Me par un binario dea stassión

Quando che ti va via

Stago mae

Veramente mae

Come quando che me mare 'ndava fòra de sera

E che me eassava soea coea me disperassión

Stago mae, assoeutamente mae

Ti rivi, no se sa mai quando

Ti va via, no se sa mai dove

E xe xa do ani

Che ti te ne freghi

Come a un scògio

Come a un pecà

Mi me taco a ti

So stufa e sfinìa

De far finta de essar contenta quando che ghe xe zente

Bevo ogni note

Ma tuti i whiskie

Par mi i ga el stesso gusto

E tuti i batèi ga ea to bandiera

E no so più dove 'ndar, ti xe dapartuto

Stago mae

Veramente mae

Verso el me sangue sul to corpo

E me sento come un osèo morto quando che ti dormi

E stago mae

Assoeutamente mae

Ti me ga cavà tuti i me canti

Ti me ga robà tute 'e me paròe

Anca se mi gavevo del taento prima de ti

Sto amor me copa

Se ea va vanti cussì, morirò da soea

Vissìn aea me radio come un bòcia insemenìo

Scoltando ea me voxe che canta

Stago mae

Veramente mae

Come quando che me mare 'ndava fòra de sera

E che me eassava soea coea me disperassión

Stago mae

Xe questo: stago mae

Ti me ga cavà tuti i me canti

Ti me ga robà tute 'e me paròe

E go el cuor completamente desfà

Circondà de barriere

Ti ga capìo che stago mae?

• Artist:Dalida