Jesce Sole [Venetan translation]

Spetando chi,

strassando dì e 'une

sensa vìvar

anca se me bate el cuor?

E parlandoghe a chi?

No me scolta pì nissuni

senpre drio córar

tute machine 'e xe, 'e persone,

scanceàe 'nt'a 'sto tenpo

'i xe carne e ossi vódi,

co'fa 'e ciese de domenega

do'e che no 'i ghe crede ai santi.

Vien fora, sóe, vien fora, sóe

soto 'a montagna,

senti 'sto pensier,

senti come che 'l se 'agna!

Vien fora, sóe, vien fora, sóe

do'e che no se magna:

méteghe 'nt'al pan

'na caressa de companadego!

'Nt'e 'e man de chi

'assemo i nostri fioi?

Sensa regoe

sora de 'sti fii atomici

condanai sensa far gnente

in mezo a 'sto mondo vódo

a scansar i fossi de 'sto sècoeo

e caminar co' 'a speransa...

Vien fora, sóe, vien fora, sóe

soto 'a montagna

senti 'sto pensier,

senti come che 'l se 'agna!

Vien fora, sóe, vien fora, sóe

do'e che no se magna:

méteghe 'nt'al pan

'na caressa de companadego!

Do'e situ drio pèrdarme,

do'e situ drio desmentegarme

come che fusse gnente?

Ti, che te da' pì senso a tuto el gnente

ti, che te fe parlar el vento,

sveja el siensio par mi!

(lingua africana)

Vien fora, sóe, vien fora, sóe

soto 'a montagna,

senti 'sto pensier,

senti come che 'l se 'agna!

Vien fora, sóe, vien fora, sóe

do'e che no se magna:

méteghe 'nt'al pan

'na caressa de companadego!

Do'e situ drio pèrdarme,

do'e situ drio desmentegarme

come che fusse gnente?

Ti, che te da' pì senso a tuto el gnente

ti, che te fe parlar el vento,

sveja el siensio par mi!

• Artist:Nino D'Angelo